கழனியூரன் : செவக்காட்டுச் சேதிகள்

கழனியூரன் என்கிற எம்.எஸ்.அப்துல்காதர் ஒரு கவிஞர், எழுத்தாளர், இலக்கிய ஆர்வலர் என்பதை எல்லாம்விடச் சிறந்த மனிதர்; நல்லநண்பர்.எப்போது எங்கே பார்த்தாலும், அன்றலர்ந்த தாமரை மலரைப்போன்ற அவரது முகமலர்ந்த சிரிப்புக்கு, ஈடு இணை கிடையாது.கழனியூரன், கி.இராஜநாராயணனின் அத்யந்த சீடர். கி.இரா.வின் நாட்டுப்புறக் கதைகளின் தொகுப்புகளுக்கு உதவியாக இருந்த பெருமைக்குரியவர்.தனது எழுத்துக்கு மெருகேற்றி, ஒரு தனித்துவமான படைப்பாளியாக மாற்றியதில் கி.இரா.வின் பங்கு மிக அதிகம் என்று கருதும் கழனியூரன், புதுக்கவிதை, சிறுகதை, நாவல்கள் என்பதிலிருந்து விடுபட்டு, நாட்டுப்புறக் கதைகள் சேகரிப்பதில் இப்போது தன்னை முழுமையாக ஈடுபடுத்திக் கொண்டிருக்கிறார்.

திரு.வைத்தியநாதன், ஆசிரியர்: தினமணி

கழனியூரான்

திருநெல்வேலி மாவட்டத்தில் உள்ள கழுநீர்குளம் என்ற சிற்றூரில் வசித்து வருகிறார். கதை சொல்லி என்ற காலாண்டிதழின் பொறுப்பாசிரியர். நாட்டுப்புறவியல் சார்ந்து இதுவரை 20 நூல்களை எழுதியிருக்கிறார்.

கி.ராஜநாராயணன் கரிசல் காட்டு கதை சொல்லி என்றால், கழனியூரன் செவக்காட்டு கதை சொல்லி. சிறந்த களப்பணியாளர். இவரின் படைப்புகள் பலவும் களப்பணியின் மூலம் திரட்டிய தரவுகளால் உருவானவையே. கி.ரா.வின் சீடர் என்றும், கி.ரா.வின் வாரிசு என்றும் இலக்கிய உலகம் இவரை அழைக்கிறது.

-திரு: சி.முருகேஷ் பாபு

ஆசிரியர்: நம் தோழி மாத இதழ்

பண்பாட்டுப் புதைவுகளின் முக்கியமான கூறு நாட்டார் வழக்காறுகள். எத்தனையோ அறிவார்ந்த வழக்காறுகள் இன்றும் கிராமங்களில் உலவிக் கொண்டிருக்கின்றன. பிரமிக்கத்தக்க நாட்டார் தன்மைகளின், வழக்காறுகளின் கட்டுரைத் தொகுப்பாக இந்நூல் தகவமைப்புக் கொள்கிறது. வெளுமனே மேசைப் பணியின் மூளைப் பிழிவாக மட்டுமல்லாமல், களப்பணிக் களைப்பின் தேகப்பிழிவாகவும் கட்டுரைகள் அமைந்துள்ளன. நமது மூதாதையர்களின், பெரியவர்களின் மொழியை இயல்பு குன்றாமல் விசாரிப்பதற்காய் கிராமங்களில் உலவியிருக்கின்றன கழனியூரனின் கால்கள்.

-நூல் உலகம்

தி க சி யை சந்திக்கநாட்டுப்புற ஆய்வாறும் கி.ராஜநாராயணனின் பிரிய மாணவருமான கழனியூரன் வந்தார். நடுத்தெருவை மறித்து நின்று உற்சாகமாகப் பேசிக்கொண்டிருந்தோம். அவர் சமரசம் இதழில் எழுதிவரும் ‘இஸ்லாமிய நாட்டுப்புறக் கதைகள்‘ தொடர் நன்றாக இருக்கிறது என்றேன். பன்னிரண்டு மாதமாகிவிட்டதனால் தொடரை நிறுத்திவிட்டதாகவும் மேலும் சில கட்டுரைகளைச் சேர்த்து நூலாக ஆக்கப்போவதாகவும் சொன்னார். இஸ்லாமிய சிற்றிலக்கியங்களைப்பற்றி ஆய்வுசெய்து வருவதாகச் சொன்னார். கழனியூரன் வீராணம் என்னும் ஊரில் வேலைபார்க்கிறார்

. வீரகேரளம்புதூர் உ.வினாயகம்பிள்ளை கழனியூரனுக்கு நெருக்கமாக இருந்தார். இசை விற்பன்னர், ரசிகர். ஓர் ஒற்றைத்தந்தி வாத்தியத்தை அவரே உருவாக்கி அதை வாசிப்பாராம். இலக்கிய ரசிகர். குறிப்பாக குறளுக்கு பரிமேலழகர் எழுதிய உரைமேல் மிகுந்த பற்று கொண்டவர். மொத்த உரையையும் சொல்லுவார். குறளை மனப்பாடம்செய்தவர்கள் உண்டு, உரையை மனப்பாடமாகக் கற்றவர் அவர். பரிமேழலகரடிப்பொடி என்றபேரிலேயே எழுதியிருக்கிறார் என்றார் கழனியூரன்.

by ஜெயமோகன்

செவக்காட்டுச் சேதிகள்

No comments: